Digital Wallet Solutions Inc. (यसपछि ‘कम्पनी’ भनिने) ले ‘Smiles Connect’ मोबाइल सञ्चार सेवा प्रदान गर्दछ र ConnectToCelebrate क्याम्पेन (यसपछि ‘क्याम्पेन’ भनिने) को आयोजक हो। आवेदन गर्नुअघि कृपया यी नियम तथा सर्तहरू ध्यानपूर्वक पढ्नुहोस्, र सहमत भएमा मात्र सहभागी हुनुहोस्। क्याम्पेनमा सहभागी हुँदा, तपाईंले यी नियम तथा सर्तहरू स्वीकार गर्नुभएको मानिनेछ।
१. क्याम्पेनको सारांश
विवरण: क्याम्पेन अवधिमा Smiles Connect क्याम्पेन पोस्टको कमेन्ट सेक्सनमा क्याम्पेन थिमसँग सम्बन्धित फोटो वा स्टोरी सेयर गर्ने, र उक्त पोस्ट आफ्नै अकाउन्टमा पनि सेयर गर्ने सहभागीहरू योग्य मानिनेछन्। यी सहभागीहरूबाट लक्की ड्र मार्फत ५ विजेताहरू छनोट गरिनेछन्, जसले ३ महिनासम्म निःशुल्क Smiles Connect Voice प्लान (SIM) प्राप्त गर्नेछन्।
पुरस्कार: Smiles Connect Voice 30GB प्लान (प्रति महिना ¥2,980 बराबर) 3 महिनासम्म निःशुल्क।
पुरस्कार SIM कार्ड वा eSIM को रूपमा प्रदान गरिनेछ।
सूचना दिने समयमा Smiles Connect को विद्यमान करार नभएका विजेताहरूका लागि प्रारम्भिक करार शुल्क (¥6,000 बराबर) पनि माफ गरिनेछ।
निःशुल्क अवधि समाप्त भएपछि करार स्वतः रद्द हुँदैन, र नियमित मासिक शुल्क लागू हुन्छ। निरन्तरता नचाहेमा, छुट्टै रद्द गर्ने प्रक्रिया पूरा गर्नुपर्छ।
कल शुल्क, अप्सोनल सेवाका शुल्क, युनिभर्सल सेवा शुल्क आदि ग्राहकको जिम्मेवारीमा पर्छ।
पुरस्कारसम्बन्धी थप विवरणका लागि कृपया हाम्रो वेबसाइट हेर्नुहोस्।
विजेताको संख्या: ५ जना।
२. आवेदन अवधि
सेप्टेम्बर 1, 2025 (सोमबार) को 18:00 देखि सेप्टेम्बर 15, 2025 (सोमबार) को 23:59 सम्म। उपरोक्त अवधिभित्र गरिएका Facebook वा Instagram पोस्ट र सेयरहरू मात्र क्याम्पेनका लागि योग्य मानिनेछन्।
३. योग्यता
जापानमा बसोबास गर्ने व्यक्तिहरू।
जापानी नागरिक नभएका सहभागीको हकमा, जापानमा वैध बसोबास हैसियत (Residence Status) हुनुपर्छ, जसमा कम्तिमा ३ महिना बाँकी अवधि हुनु वा बसाइँ नवीकरण गर्न सक्ने योग्यता हुनु आवश्यक छ।
सम्बन्धित पोस्ट “Public” मा सेट गरिएको Facebook वा Instagram हुनुपर्छ।
क्याम्पेन सुरु हुने समयमा उमेर कम्तिमा 18 वर्ष हुनुपर्छ। (अवयस्कहरू योग्य हुँदैनन्।)
यदि तपाईं Smiles Connect सब्स्क्राइबर हुनुहुन्न भने, पुरस्कार प्राप्त गर्न सदस्यताका लागि आवेदन गर्नुपर्छ। (पुरस्कार प्राप्त र प्रयोग गर्न Smiles Connect करार आवश्यक छ।)
४. आवेदन गर्ने तरिका
आधिकारिक Facebook पेज “Smiles Connect” लाई Like वा Follow गर्नुहोस्।
Smiles Connect क्याम्पेन पोस्टको कमेन्टमा [Share Heartwarming Celebration] थिमअनुसार फोटो वा स्टोरी सेयर गर्नुहोस्।
उक्त क्याम्पेन पोस्टलाई आफ्नै Facebook वा Instagram अकाउन्टमा सेयर गर्नुहोस्।
आफ्नो पोस्टको प्राईभासी सेटिङ “Public” मा सेट भएको सुनिश्चित गर्नुहोस्। “Private” मा सेट गरिएका पोस्टहरू योग्य हुँदैनन् र लक्की ड्रबाट बाहिर राखिनेछन्।
क्याम्पेन अवधिभर धेरैपटक आवेदन गर्न सकिन्छ, तर प्रत्येक व्यक्तिले एकपटक मात्र जित्न सक्नेछन्।
५. लक्की ड्र र विजेता घोषणा
आवेदन अवधि समाप्त भएपछि निष्पक्ष लक्की ड्रमार्फत विजेताहरू निर्धारण गरिनेछन्।
विजेताहरूलाई 2025 सेप्टेम्बरको उत्तरार्धतिर कम्पनीको आधिकारिक Facebook अकाउन्टबाट Facebook Messenger मार्फत व्यक्तिगत रूपमा सम्पर्क गरिनेछ।
विजेताहरूसँग मात्र सम्पर्क गरिनेछ; अविजेताहरूसँग प्रत्यक्ष सम्पर्क गरिने छैन।
निर्दिष्ट म्यादभित्र सदस्यता वा पुरस्कार वितरण/ढुवानीका लागि आवश्यक जानकारी नबुझाएमा, कम्पनीको विवेकमा पुरस्कार अवैध ठहरिन/रद्द गरिन सक्छ।
Messenger मार्फत सम्पर्क गर्न नसकिएमा वा जवाफ प्राप्त नभएमा पनि पुरस्कार अवैध ठहरिनेछ।
विजेताले अस्वीकार गरेमा वा योग्यता गुमाएमा, थप लटरी सञ्चालन गरिँदैन।
पुरस्कारको ढुवानी/वितरण 2025 अक्टोबरको सुरुतिर सुरु हुने तालिका छ, तर अप्रत्याशित परिस्थितिका कारण ढिलाइ हुन सक्छ।
६. नोट
व्यक्तिगत आवेदकका लागि मात्र मान्य हुन्छ।
बुझाइएको सामग्री (फोटो, पाठ आदि) मौलिक हुनुपर्छ, आवेदकले स्वयं सिर्जना गरेको, र तेस्रो पक्षका अधिकारबाट मुक्त। फोटोमा व्यक्तिहरू समेटिएको भए, उनीहरूको सहमति प्राप्त भएको मानिन्छ।
सार्वजनिक शिष्टाचार/मर्यादा विपरीत, प्रतिलिपि अधिकार वा कानून उल्लङ्घन गर्ने, अरूको मानहानि गर्ने, वा कम्पनीको विवेकमा अनुचित ठहरिएका प्रविष्टिहरू अमान्य गरिनेछन्। यससँग सम्बन्धित विवादको जिम्मेवारी कम्पनीले लिने छैन।
बुझाइएको सामग्री कम्पनीका आधिकारिक सामाजिक सञ्जालहरु , वेबसाइट, वा अन्य प्रवर्द्धन सामग्रीहरूमा प्रस्तुत/प्रयोग गरिन सक्छ।
क्याम्पेनमा सहभागिता, सोधपुछ, वा पुरस्कार प्राप्तिसँग सम्बन्धित सञ्चार खर्च आवेदकको जिम्मेवारी हुनेछ।
पुरस्कार वा जितेको अधिकार साटासाट, फिर्ता, पुनर्विक्रि, वा अरूलाई स्थानान्तरण गर्न मिल्दैन।
पुरस्कार प्राप्त गर्न Smiles Connect करार आवश्यक छ। कम्पनीले करार निष्कर्ष गर्न नसकिने वा सेवा प्रदान गर्न नसकिने ठहर गरेमा, पुरस्कार अवैध हुनेछ।
अनुकूल (Compatible) स्मार्टफोन वा सञ्चार उपकरण आवश्यक हुन्छ, जसको व्यवस्था ग्राहकले स्वयं गर्नुपर्छ।
क्याम्पेन पूर्वसूचना बिना परिवर्तन वा रद्द गर्न सकिनेछ।
७. अस्वीकरण
यो क्याम्पेन Facebook सँग कुनै पनि रूपमा सम्बन्धित, प्रायोजित, वा मान्यता प्राप्त (endorsed) छैन।
कुनै आवेदकले Facebook का प्रयोगका सर्तहरू (Terms of Use) उल्लङ्घन गरेमा वा धोखाधडीपूर्ण गतिविधिमा संलग्न भएको पाइएमा, कम्पनीले सूचना पश्चात् पनि जित रद्द गर्ने अधिकार राख्छ, र भविष्यमा सम्बन्धित सेवाहरूमा पहुँच अस्वीकार गर्न सक्छ।
क्याम्पेनमा सहभागिताबाट उत्पन्न हुन सक्ने कुनै पनि समस्या वा क्षति (प्रत्यक्ष वा परोक्ष) प्रति कम्पनी जिम्मेवार हुने छैन।
प्रदान गरिएको SIM सहभागीको उपकरणमा प्रयोग गर्न नसकिने अवस्था आएमा, वा सेवा क्षेत्र Smiles Connect को कवरेज बाहिर परेमा, कम्पनी कुनै जिम्मेवारी लिँदैन।
८. व्यक्तिगत जानकारीको व्यवस्थापन
विजेताहरूद्वारा प्रदान गरिएको व्यक्तिगत जानकारी पुरस्कार वितरण र सम्बन्धित सञ्चार जस्ता क्याम्पेन कार्यान्वयन गर्न आवश्यक उद्देश्यहरूको लागि मात्र प्रयोग गरिनेछ।
कानूनले आवश्यक ठानेको अवस्था बाहेक, व्यक्तिगत जानकारी सहमति बिना उप-ठेकेदारहरू (subcontractors) बाहेक अन्य तेस्रो पक्षहरूलाई खुलासा वा प्रदान गरिने छैन।
व्यक्तिगत जानकारीको व्यवस्थापन सम्बन्धी विवरणहरूको लागि, कृपया कम्पनीको गोपनीयता नीति (Privacy Policy) हेर्नुहोस्।
९. सम्पर्क जानकारी
Smiles Connect सपोर्ट इमेल: support.jp@smilesconnect.com
Smiles Connect आधिकारिक फेसबुक पेज: https://www.facebook.com/smilesconnectsim
